Աշխարհ

Մեքսիկական քաղաքը սառույցով է ծածկվել (ՏԵՍԱՆՅՈՒԹ)

Մեքսիկական Գվադալահարա քաղաքը ուժեղ կարկուտից հետո սառույցով է ծածկվել։ Այս մասին հայտնում է Economista պարբերականը:

Պարբերականը նշում է, որ որոշ շրջաններում շերտի հաստությունը հասնում է մեկ և ավելի մետրի:

Տեղական լրատվամիջոցներում հրապարակված լուսանկարներից երևում է, որ սառույցը ծածկել է ճանապարհների մեծ մասը։ Քաղաքում դադարեցվել է երթևեկությունը, մի քանի ավտոմեքենա գրեթե ամբողջությամբ սառույցի տակ է: Շատ շենքեր քանդվել են:

Խաղաղ բնակիչներին օգնության են հասնում զինվորականները:

«Այսպիսի կարկուտ դեռևս չէր գրանցվել: Իշխանությունները հայտարարում են, որ առաջին անգամ է նման իրադարձություն գրանցվում»,- ասել է 14-րդ հետևակային գումարտակի հրամանատար Սերխիո Լոպես Լարան:

Խալիսկո նահանգի Քաղաքացիական պաշտպանության և հրշեջ պահպանության վաչության տնօրեն Վիկտոր Ուգո Ռոլդանը հայտնել է, որ դեռևս տեղեկություններ չկան կարկուտի պատճառով տուժածների մասին:

Diario de Mexico պարբերականի տեղեկություններով՝ քաղաքը սառույցից մաքրելու աշխատանքներին մասնակցում են զինվորականները, քաղաքացիական պաշտպանության ուժերի և տեղական իշխանության մարմինների աշխատակիցները: Արդեն հաջողվել է մաքրել սառույցով ծածկված տարածքի մոտ 70 տոկոսը:

ՎԵՐՋԻՆ ԼՈւՐԵՐ

ՎԵՐԵՎ