fbpx
Խորհրդարան

Նախատեսված է Մինսկի խմբի համանախագահների այց տարածաշրջան. Արարատ Միրզոյան

ԵԱՀԿ Մինսկի խմբի համանախագահության ֆորմատով Հայաստանի և Ադրբեջանի ԱԳ նախարարների հանդիպում կոնկրետ ամսաթվով և վայրով այս պահին նախատեսված չէ, նախատեսված է համանախագահների տարածաշրջանային այց: Այս մասին ասաց ՀՀ արտաքին գործերի նախարար Արարատ Միրզոյանը՝ ԱԺ-ում կառավարության անդամների հետ հարցուպատասխանին՝ անդրադառնալով ՔՊ-ից Սարգիս Խանդանյանի հարցին, թե արդյոք առաջիկայում օրակարգում կա համանախագահության շրջանակում Հայաստանի և Ադրբեջանի ԱԳ նախարարների հանդիպում:

«Այս պահին ԵԱՀԿ Մինսկի խմբի համանախագահության ֆորմատով հանդիպում՝ դեռևս կոնկրետ ամսաթվով, վայրով նախատեսված չէ: Այս պահին կա նախատեսված Մինսկի խմբի համանախագահների այց տարածաշրջան»,-ասաց Միրզոյանը:

Նախարարը նկատեց, որ այդ հարցը վաղուց արդեն քննարկվում, բայց պարբերաբար հետաձգվում է: «Պետք է տեղի ունենա ԵԱՀԿ Մինսկի խմբի համանախագահների տարածաշրջանային այցը»,- նշեց Միրզոյանը:

ԱՄԵՆԱԴԻՏՎԱԾՆԵՐԸ

ՎԵՐ