ՊՍՎ-ի հարձակվող Կոդի Գակպոն ձմեռային տրանսֆերային պատուհանի ժամանակ կարող է հեռանալ հոլանդական ակումբից։
Ինչպես հաղորդում է Telegraaf-ը, ՊՍՎ-ն ցանկանում է պահել 23-ամյա խաղացողին, սակայն ֆինանսական տեսանկյունից ակումբը չի կարող հրաժարվել նոր առաջարկից։ ՊՍՎ-ն պատրաստ է հունվարին վաճառել հարձակվողին մոտ 30 միլիոն եվրոյով, քանի որ թիմին շտապ անհրաժեշտ է դրական բալանս ունենալ բյուջեում։
Ավելի վաղ հաղորդվում էր, որ Գակպոն մոտ է «Լիդս» տեղափոխվելուն։ Գործարքի արժեքը գնահատվում է 30 մլն ֆունտ (34 մլն եվրո):
2022 թվականի ամռանը ֆուտբոլիստը կարող էր հայտնվել «Մանչեսթեր Յունայթեդում», սակայն «Կարմիր սատանաները» չկարողացան բավարարել ՊՍՎ-ի ֆինանսական պահանջները։
Այս մրցաշրջանում Գակպոն ակումբի կազմում անցկացրել է 21 հանդիպում՝ դառնալով 13 գոլի և 14 գոլային փոխանցման հեղինակ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
