ՀՀ ազգային ժողովում այսօր ու առաջիկա օրերին տեղի կունենան մի շարք մշտական հանձնաժողովների նիստեր։
Այս մասին տեղեկանում ենք ԱԺ պաշտոնական կայքից։
Այսպիսով, այսօր՝ ժամը 15:00-ին, մեկնարկելու է Տարածաշրջանային և եվրասիական ինտեգրման հարցերի մշտական հանձնաժողովը։ Նոյեմբերի 30-ին տեղի են ունենալու Պետական-իրավական հարցերի մշտական հանձնաժողովի, Պաշտպանության և անվտանգության հարցերի մշտական հանձնաժողովի, Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի ու Աշխատանքի և սոցիալական հարցերի մշտական հանձնաժողովի նիստերը: Իսկ դեկտեմբերի 1-ին կկայանա Տնտեսական հարցերի մշտական հանձնաժողովի նիստը։
