ՆԱՏՕ-ի գլխավոր քարտուղարի տեղակալ Ռոուզ Գյոտեմյուլլերը հայտարարել է, որ դաշինքը մտադիր չէ տեղակայել եվրոպական տարածքում միջուկային զենք ունեցող նոր համակարգեր: Այս մասին գրում է Sueddeutsche Zeitung-ը:
Նրա խոսքերով` դաշինքի բոլոր անդամները կքննարկեն Ռուսաստանում նոր հրթիռների տեղադրման պատասխանը:
«Ընդ որում, մենք չունենք Եվրոպայում միջուկային զենքով ցամաքային նոր համակարգեր տեղադրելու ծրագրեր»,- ասել է Գյոտեմյուլլերը:
Նա ավելացրել է, որ ԱՄՆ-ն պատրաստ է շարունակել բանակցությունները Միջին և կարճ հեռահարության հրթիռների ոչնչացման մասին պայմանագրի շուրջ, եթե Ռուսաստանը համաձայնի ոչնչացնել 9M729 հրթիռները: