Երևանի քաղաքապետարանն առաջիկայում մրցույթ կհայտարարի՝ մայրաքաղաքի տրանսպորտային ցանցի համար նավիգացիոն համակարգ պատվիրելու վերաբերյալ։
Այս մասին Sputnik-ին ասել է Երևանի փոխքաղաքապետ Հրաչյա Սարգսյանը։
Սարգսյանը նշել է, որ քաղաքապետարանը մեծ թափով թարմացնում է տրանսպորտային պարկը ու մտադիր է նավիգացիոն համակարգ պատվիրել ամբողջ ցանցի համար։
Փոխքաղաքապետի խոսքով՝ նավիգացիոն համակարգը կօգնի կազմել երթևեկության հստակ ժամանակացույց ու հստակ հաշվարկել ավտոմեքենաների վազքը։