Իրանի կողմից Իրաքի տարածքում տեղակայված ամերիկյան ռազմակայանների հրթիռակոծումից հետո եվրոպական և ամերիկյան շուկաներում նավթի գինը կտրուկ աճել է: Այս մասին հաղորդում է Guardian-ը:
Պարբերականը գրում է, որ իրանաամերիկյան հավանական պատերազմի վերաբերյալ մտահոգությունների ֆոնին նավթի գինն աճել է 4%-ով:
Brent նավթի գինը հասել է 1 բարելի դիմաց 70 դոլարի: Նմանատիպ բարձր ցուցանիշ է արձանագրել նաև West Texas Intermediate-ի նավթը:
Ստեղծված լարված իրավիճակն անդրադարձել է նաև ոսկու գնի վրա՝ այն բարձրացնելով 3%-ով: Մինչդեռ ասիական բորսաներում նկատվել է արժեթղթերի գնի անկում: