Շարլոտում մեկնարկել է Բասկետբոլի ազգային ասոցիացիայի (NBA) աստղային շաբաթը:
Կայացել է NBA-ի ծագող աստղերի հանդիպումը, որում ԱՄՆ-ի ընտրանին 161:144 հաշվով վստահ հաղթանակ է տոնել Աշխարհի թիմի նկատմամբ:
Հանդիպման ամենաարդյունավետ բասկետբոլիստը եղել է Կայլ Կուզման, որը վաստակել է 35 միավոր: 25 միավորով և 10 արդյունավետ փոխանցումով դաբլ-դաբլ է ձևակերպել Տրեյ Յանգը:
Աշխարհի թիմի կազմում 28 միավոր վաստակել է Բեն Սիմոնսը, 21 միավոր էլ գրանցվել է Լաուրի Մարկանենի ակտիվում: Լուկա Դոնչիչին մեկ քայլ է բաժանել դաբլ-դաբլից. նա վաստակել է 13 միավոր և կատարել 9 արդյունավետ փոխանցում:
Այս հանդիպման MVP-ի մրցանակը ստացել է Կայլ Կուզման, որն ընթացիկ մրցաշրջանում «Լեյկերսի» կազմում մեկ խաղում միջինը 19,1 միավոր է վաստակում և կատարում 2 արդյունավետ փոխանցում:
Հաղորդում է armsport.am-ը։