Այսօր Դիլիջանում լրագրողների հետ զրույցում ՀՀ պաշտպանության նախարար Դավիթ Տոնոյանը, խոսելով Ադրբեջանում հայտնված հայ զինածայող Արայիկ Ղազարյանի մասին, ասաց, որ դեռ իրականացվում է հետաքննություն:
«Ես ներքին համոզմունք ունեմ, որ ինքն ուղղակի մոլորվել է», – ասաց նախարարը:
Արձագանքելով ադրբեջանական կողմից հնչող հայտարարություններին, թե իբր հայ զինծառայողը սահմանը հատել է հրամանատարների կողմից ճնշումների հետևանքով՝ Տոնոյանը կոչ արեց կուլ չգնալ ադրբեջանական քարոզչամեքենային, առավել ևս՝ չտարածել այդ տեղեկությունները:
Այն հարցին, թե ինչ քայլեր են արվում հայ զինծառայողին վերադարձնելու ուղղությամբ, նախարարը նշեց, որ աշխատանքները սկսել են, համապատասխան միջազգային կառույցներին դիմել են:
Դավիթ Տոնոյանը հավելեց, որ դեռ չի կարող ասել՝ զինծառայողը հոգեբանորեն էլ է մոլորվել, թե ոչ, դա պարզ կլինի աշխատանքի արդյունքում, միաժամանակ կոչ արեց Ադրբեջանի կոլեգաներին՝ տեղեկատվական աշխատանքը դադարեցնել:
