ՊՍԺ-ն իր պաշտոնական կայքում տեղեկություն է հրապարակել հարձակվող Նեյմարի վնասվածքի և նրա վերականգնման մասին:
Բժիշկների հետ խորհրդատվության արդյունքում որոշվել է վիրահատություն չիրականացնել և սահմանափակվել միայն պահպանողական բժշկությամբ:
Սպասվում է, որ Նեյմարը 10 շաբաթ բաց կթողնի` մոտ 2,5 ամիս: Անձամբ ֆուտբոլիստն արդեն ծանոթացել է խորհուրդներին և համաձայնել բուժման տվյալ մեթոդին:
Այսպիսի վնասվածք նա ստացել էր նաև նախորդ մրցաշրջանում և ավելի քան 3 ամիս էր բաց թողել:
Այսպիսով, Նեյմարը չի կարողանա օգնել ՊՍԺ-ին Չեմպիոնների լիգայի 1/8 եզրափակչի` «Մանչեսթեր Յունայթեդի» հետ խաղերում:
Նեյմարը աջ ոտքի հինգերորդ մետատարզային ոսկրի վնասվածք է ստացել Ֆրանսիայի Գավաթի խաղարկության 1/16 եզրափակիչ փուլի՝ «Ստրասբուրի» (2:0) հետ հունվարի 23-ին կայացած խաղում:
Հաղորդում է armsport.am-ը։
