Նիգերիայում ազատ են արձակել 10 թուրք նավաստիներին, որոնց առևանգել էին աֆրիկյան երկրի ափերի մերձակայքում զինված անձինք: Այս մասին հաղորդում է Anadolu-ն:
Հայտնի է, որ անձնակազմի փրկված անդամների առողջական վիճակը բավարար է:
Ավելի վաղ Գվինեական ծոցում առևանգել էին 10 թուրք նավաստիներին:
Դեպքը տեղի էր ունեցել հուլիսի 13-ի երեկոյան. զինված անձինք հարձակվել էին թուրքական դրոշի ներքո ուղևորվող Paksoy-I բեռնանավի վրա: Նավում գտնվում էր Թուրքիայի 18 քաղաքացի:
Դա Թուրքիայի քաղաքացիներին Նիգերիայում առևանգելու առաջին դեպքը չէ: Մինչ այդ հայտնի էր դարձել Թուրքիայի քաղաքացիություն ունեցող բանվորներին առևանգելու և ազատ արձակելու մասին: