Սպորտ
12:31 23/12/2019

Նիկողոսյան-Մելիքբեկյան տանդեմի ռեպրեսիաները շարունակվում են. Թովմաս Գրիգորյան

ՀՖՖ նախագահի թեկնածու Թովմաս Գրիգորյանը Facebook-ի իր էջում գրել է․

«Հարգելի հայրենակիցներ,

ՀՖՖ նախագահի արտահերթ ընտրություններին մնացել են հաշված ժամեր, բայց Նիկողոսյան-Մելիքբեկյան տանդեմի ռեպրեսիաները շարունակվում են: Անգամ այսօր ճնշումները ՀՖՖ անդամ կազմակերպությունների վրա կան, իրենց թիմակիցները զանգահարում են կազմակերպությունների ղեկավարներին, տեղեկացնում, որ իրենք նոր պատվիրակ կնշանակեն, իսկ նախորդի համար կտրամադրեն բժշկի թուղթ: Կան համապատասխան ձայնագրություններ, որոնք անհրաժեշտության դեպքում կհրապարակվեն:

Սթափության կոչ եմ անում՝ ֆուտբոլային ընտանիքն ինքնուրույն պետք է որոշի իր ղեկավարին։ Հակառակ դեպքում հետևանքներն անդառնալի կլինեն»։

Հիշեցնենք, որ ՀՖՖ նախագահի ու գործկոմի ընտրությունների համար նախատեսված նիստը կմեկնարկի այսօր՝ 13:00-ին։

Հարգելի հայրենակիցներ,ՀՖՖ նախագահի արտահերթ ընտրություններին մնացել են հաշված ժամեր, բայց Նիկողոսյան-Մելիքբելյան…

Geplaatst door Tovmas Grigoryan op Zondag 22 december 2019

ԱՄԵՆԱԴԻՏՎԱԾ

Վերեվ