ՀՀ վարչապետ Նիկոլ Փաշինյանը շնորհավորել է հայ մարզիկներին։
«5 ոսկե, 3 արծաթե, 3 բրոնզե մեդալներ. շնորհավորում եմ Հայաստանի հավաքականին Եվրոպական խաղերում ունեցած հաջող մրցելույթների առիթով», – ֆեյսբուքյան իր էջում գրել է վարչապետը:
Հիշեցնենք, որ երեկ երեկոյան կայացավ Բելառուսի մայրաքաղաք Մինսկում անցկացվող Եվրոպական երկրորդ խաղերի փակման հանդիսավոր արարողությունը։
