ՀՀ զինված ուժերի փոխգնդապետ, հաշմանդամություն ունեցողների բազկամարտի Եվրոպայի առաջնության կրկնակի չեմպիոն, աշխարհի առաջնության եռակի չեմպիոն Սարգիս Ստեփանյանը երեկ Սևանա լճի մերձակայքից նոր լուսանկար է հրապարակել Facebook-ի իր էջում։
«Բարի և խաղաղ կիրակի բոլորիս», – գրել է Ստեփանյանը։
Նշենք, որ Ստեփանյանը վիրավորվել է Արցախի պաշտպանական շրջաններից մեկում հակառակորդի դիվերսիոն գործողությունը հետ մղելիս վիրավոր ծառայակից ընկերոջը ականապատված տարածքից հանելու ժամանակ, որից հետո կորցրել է երկու ոտքերն ու ձեռքերից մեկը։