Նոր Զելանդիայի խորհրդարան միջնորդագիր է ներկայացվել՝ պահանջելով արտաքսել ՌԴ դեսպան Գեորգի Զուևին և խզել դիվանագիտական հարաբերությունները Մոսկվայի հետ: Այս մասին հայտնում է RNZ նորզելանդական ռադիոն։
Խնդրագիրը հանձնել է Լեյբորիստական կուսակցության պատգամավոր Գուրավ Շարման՝ չնայած այն հանգամանքին, որ վարչապետ Ջասինդա Արդերնը և արտաքին գործերի նախարար Նանայա Մահուտան պատժամիջոցներն ու ակտիվների սառեցումը համարել են Ռուսաստանի վրա ճնշում գործադրելու լավագույն միջոցները։
Օգոստոսի 1-ին Նոր Զելանդիայի կառավարությունը Ռուսաստանի դեմ պատժամիջոցների հերթական փաթեթն է ներկայացրել, որը վերաբերում է զինված ուժերին և ռազմարդյունաբերական համալիրին։ Բացի այդ, պատժամիջոցների տակ են հայտնվել «Սոգազ» ապահովագրական ընկերությունը, «Ռուսական երկաթուղիները», ինչպես նաև ռազմական տեխնոլոգիաների հետազոտությամբ և արտադրությամբ զբաղվող կազմակերպությունները։