Օմանը հերքում է Իսրայելի հետ դիվանագիտական հարաբերությունների հաստատումը։ Այս մասին հաղորդում է AFP-ը:
Օմանի ԱԳՆ-ը թվիթերյան պաշտոնական էջում գրել է, որ սուլթանության և Իսրայելի միջև դիվանագիտական հարաբերությունների հաստատման մասին հաղորդագրությունները չեն համապատասխանում իրականությանը:
«Սուլթանությունը ձգտում է դիվանագիտական պայմաններ ստեղծել բոլոր միջազգային և տարածաշրջանային կողմերի հետ կապերի վերականգնման ու Պաղեստինի և Իսրայելի միջև խաղաղության հասնելու աշխատանքների համար, ինչը կհանգեցնի Պաղեստինի անկախ պետության ստեղծմանը»,- նշվում է հայտարարության մեջ:
Հիշեցնենք, որ երեկ իսրայելական հետախուզական «Մոսսադ» գործակալության ղեկավար Յոսսի Կոենը հայտարարել էր, թե Իսրայելը «պաշտոնական հարաբերություններ» է հաստատում Օմանի հետ:
