Ազգային ժառանգության որոշ կոթողների անմխիթար վիճակը պահանջում է հրատապ քայլեր․ Աղաջանյան

Վարչապետի աշխատակազմի ղեկավար Էդուարդ Աղաջանյանը Facebook-ի իր էջում գրել է․

«Մշակութային ժառանգության հանդեպ մեր վերաբերմունքը բնորոշում է մեզ։

Գործընկերներիս հետ քննարկել ենք մշակութային և զբոսաշրջային վայրերի պահպանության հարցերը:

Ազգային ժառանգության կոթողների, որոշ դեպքերում անմխիթար վիճակը պահանջում է հրատապ քայլերի ձեռնարկում:

Հետևյալ խնդիրը լուծելու համար որոշվեց որդեգրել՝ պետական իշխանություն – ՏԻՄ – Հայ Առաքելական Եկեղեցի համագործակցության աշխատանքային ձևաչափը:

Կարճ ժամանակում ճիշտ կառավարման պլանի ներդրմամբ պետք է հասնենք այնպիսի ստանդարտների, որը ոչ միայն կլուծի կոթողների պահպանության հարցը, այլև նոր լույսով կներկայացնի դրանք թե հայաստանյան և թե արտասահմանյան զբոսաշրջիկներին»։

https://www.facebook.com/aghajanyan.eduard/posts/3493234930720193?__cft__[0]=AZVGeIDJoypF9ZBRqI1wuGYjPnop6uOFnGtrTDlm_X55YrBgl4iIQIW6xMrejYUJgckkqkSbQkd7fyAG9cFzt7hBKbXVlur0MXwKt1BE3BWGvVvMldq1MknYKYj0DK_Tywy0rAy7T3GNJE6oLEJBvi4kcHqK4egg3Puja2UWf4-yuNx3CMqzyUiWhJ7TflNxuHgtqcfua3UkETpLBZ__se_k&__tn__=%2CO%2CP-R