Հնդկաստանի ռազմաօդային ուժերի օդանավերը Քաշմիրում խախտել են «վերահսկողության գիծը», սակայն Պակիստանի ՌՕՈՒ կողմից պատասխանից հետո հետ են վերադարձել, հայտարարել է Պակիստանի Զինված ուժերի ներկայացուցիչ Ասիֆ Գաֆուրը:
«Հնդկաստանի ռազմական օդանավերը խախտել են «վերահսկողության գիծը»: Պակիստանի օդային ուժերն անմիջապես արձագանքել են: Հնդկական օդանավերը հետ են վերադարձել»,- նշել է Գաֆուրը Twitter-ում:
Ըստ պաշտոնյայի՝ միջադեպի հետևանքով ոչ ոք չի տուժել:
Միաժամանակ, Reuters գործակալությունն ավելի ուշ հայտնել է, որ Հնդկաստանի պաշտպանության նախարարությունը «տեղեկություններ չունի» պակիստանյան ՌՕՈՒ-ի կողմից «վերահսկողության գիծը» հատելու մասին:
