fbpx
Իրավական

14:07 20/12/2018

«Պաշտոնապես ասում եմ, որ Հայաստանում կրիմինալը չի եղել հսկողության տակ այնպես, ինչպես այսօր է», – ՀՀ ոստիկանապետ

Հայաստանի ոստիկանապետ Վալերի Օսիպյանը հերքում է տեղեկություններն այն մասին, որ Սերժ Սարգսյանի եղբորորդի՝ Նարեկ Սարգսյանին հայտնաբերելու համար իրավապահ մարմիններին օգնել են քրեական հեղինակությունները:

«Եթե որևէ մեկը կարող է ապացուցել, որ ոստիկանությունը այդ հարցով համագործակցել է քրեական հեղինակության հետ, ես այս պահին հրաժարական կտամ իմ այս բարձր պետական պաշտոնից»:

Կառավարության նիստից հետո, լրագրողների հետ զրույցում, ոստիկանապետը հերքեց լուրերը, որ այս օրերին մեծ թվով քրեական հեղինակություններ են այցելել Հայաստան:

«Այսպես կոչված, գողերը, նախքան գող լինելը, մարդ են և օգտվում են Սահմանադրությամբ իրենց ընձեռնված իրավունքներից ու պարտականություններից։ Սակայն այդ լուրերը իրականությանը չեն համապատասխանում։ Պաշտոնապես ասում եմ, որ Հայաստանում կրիմինալը չի եղել հսկողության տակ այնպես, ինչպես այսօր է»,- ասաց նա:

Փոխանցում է a1plus.am-ը։

Վերեվ