Ընթանում է «Քաղաքացիական պայմանագիր» կուսակցության 5-րդ համաժողովը։ Համաժողովի ընթացքում ՔՊԿ վարչության անդամ, ՀՀ ԱԺ նախագահ Արարատ Միրզոյանն իր ելույթում ասաց․
«Ակնհայտ է, որ պատերազմ է հայտարարված մեզ, բայց մի բան է, եթե այդ պատերազմը հայտարարված լիներ մեզ՝ որպես քաղաքական թիմի, ՔՊԿ-ին, այս պատերազմում կարելի էր և պարտվել: Պատերազմ են հայտարարում ոչ թե մեզ, ոչ թե մեր քաղաքական թիմին, պատերազմ են հայտարարում ՀՀ հեռանկարին, երազանքին: Այստեղ է, որ պետք է հասկանանք՝ մենք պարտվելու իրավունք չունենք: Այս պատերազմում մենք պարտվելու իրավունք չունենք, քանի դեռ մենք ունենք ՀՀ քաղաքացիների աջակցությունը», – ասաց Միրզոյանը:
Նա նաև հայտարարեց, որ այսօր ժողովրդավարության և ազատության բաստոնն աշխարհում Հայաստանն է, ոչ թե ԱՄՆ-ն կամ Եվրոպան: