Հասարակություն

Պատմությունը ցույց է տվել, թե ինչքա՛ն ուժեղ է հայ կինը․ նախագահի ուղերձը

Հայաստանի նախագահ Արմեն Սարգսյանը շնորհավորական ուղերձ է հղել Կանանց տոնի՝ Մարտի 8-ի առթիվ։

Ուղերձը ներկայացրել է նախագահի պաշտոնական կայքը։

«Սիրելի՛ կանայք և աղջիկներ,

Շնորհավորում և բարեմաղթանքներս եմ հղում Կանանց տոնի առթիվ:

Մեր պատմության ընթացքը ցույց է տվել, թե ինչքա՛ն ուժեղ է հայ կինը՝ մեր վերածննդի խորհրդանիշը:

Պատահական չէ, որ մեր արժեհամակարգում կնոջ հանդեպ վերաբերմունքը սիրո, հարգանքի ու մեծարանքի վրա հիմնված խոր արմատներ ունի: Իսկ ամենից առաջ կինն ընտանիքի և օջախի ջերմությունն ու ամրությունն է, ոգևորության ու ներշնչանքի աղբյուր:

Պետության և մեր ընտանիքների համար այս ծանր օրերին ամուր եղեք և շարունակեք ամրացնել երկրի ու ազգի ապագայի հիմքերը:

Դուք ազգապահպան առաքելություն ունեք, որը նվիրումով եք իրականացնում բոլոր ժամանակներում եւ բոլոր իրավիճակներում:

Առողջություն, խաղաղություն և ամենայն բարիք բոլորիդ, ձեր ընտանիքներին և օջախներին», – ասված է ուղերձում:

ՎԵՐՋԻՆ ԼՈւՐԵՐ

ՎԵՐԵՎ