Օգոստոսի 13-ին ՀՀ աշխատանքի և սոցիալական հարցերի նախարարությունից հայտնում են, որ փախստականի կարգավիճակ ունեցող անձինք առանց նույնականացման քարտ ներկայացնելու կարող են սոցփաթեթից օգտվել մինչև 2023 թ․ հունիսի 1-ը:
«Փախստականի կարգավիճակ ունեցող անձանց՝ սոցփաթեթից օգտվելու իրավունքի շարունակականության ապահովման նպատակով՝ վերանայվել է պարտադիր պահանջվող փաստաթղթերի ցանկը։
- ՔԿ նախագահի տեղակալը հանդիպել է ԱՄՆ քննությունների դաշնային բյուրոյի իրավական կցորդի հետ
- Հետախուզվում է ավագանու անդամի նկատմամբ սպանության փորձ կատարողը. ՔԿ
Սոցփաթեթի հատկացման կարգի գործող կարգավորումների համաձայն` սոցփաթեթի ծառայություններից (այդ թվում` առողջապահական փաթեթի) օգտվելու և սոցիալական փաթեթի հաշվում առկա դրամական միջոցները կանխիկացնելու համար պարտադիր նախապայման էր նույնականացման քարտի առկայությունը:
Մինչև սույն թվականի փետրվարի 1-ն այս պահանջը չէր տարածվում փախստականի կարգավիճակ ունեցող սոցփաթեթի շահառուների վրա, այսինքն` վերջիններս առանց նույնականացման քարտի կարող էին օգտվել սոցփաթեթի ծառայություններից։ Այժմ փախստականի կարգավիճակ ունեցող անձինք առանց նույնականացման քարտ ներկայացնելու կարող են սոցփաթեթից օգտվել մինչև 2023 թ․ հունիսի 1-ը՝ 2021 թվականի փետրվարի 1-ի փոխարեն»,-ասվում է հաղորդագրության մեջ։
