ՊԵԿ-ը մասնակցել է ՄԱԿ-ի կազմակերպած՝ թմրամիջոցների դեմ պայքարին նվիրված ասուլիսին-Azat TV
Իրավական

ՊԵԿ-ը մասնակցել է ՄԱԿ-ի կազմակերպած՝ թմրամիջոցների դեմ պայքարին նվիրված ասուլիսին

Թմրամիջոցների չարաշահման և ապօրինի շրջանառության դեմ պայքարի միջազգային օրվա առթիվ ՀՀ պետական եկամուտների կոմիտեն մասնակցել է Միավորված ազգերի կազմակերպության թմրամիջոցների և հանցավորության դեմ պայքարի գրասենյակի Միջին Ասիայի տարածաշրջանային գրասենյակի կազմակերպած առցանց ասուլիսին։

Այս մասին հայտնում են ՀՀ ՊԵԿ պաշտոնական կայքից։

Նշվում է, որ ՊԵԿ մաքսանենգության դեմ պայքարի վարչության իրավապահ համագործակցության և տեղեկությունների վերլուծության բաժնի պետն անդրադարձել է թմրամիջոցների տարածման համաշխարհային խնդրին և դրա դեմ պայքարին: Նա ընդգծել է, որ Հայաստանի Հանրապետության իրավապահ մարմինները ձեռնարկում են հնարավոր բոլոր միջոցները՝ Հայաստանի սահմաններով թմրանյութերի ապօրինի հոսքը կանխելու ուղղությամբ՝ որպես օրինակ ներկայացնելով ՊԵԿ մաքսանենգության դեմ պայքարի վարչության աշխատակիցների կողմից 351 կգ քաշով հերոինի հայտնաբերումը 2021 թվականին:

Առցանց ասուլիսին ներկայացվել է նաև ՄԱԿ-ի՝ 2021 թվականի Թմրամիջոցների տարեկան զեկույցը, որում ամփոփված է այս բնագավառում աշխարհում տիրող իրավիճակի վերաբերյալ ամբողջական տեղեկատվություն:

ԱՄԵՆԱԴԻՏՎԱԾՆԵՐԸ

ՎԵՐ