ՊԵԿ-ն օրինապահ հարկ վճարողներին հավաստագրեր է շնորհում հեռահար եղանակով Պարտաճանաչ տնտեսվարողների խրախուսումը շարունակվում է Աշխարհում կորոնավիրուսի տարածման պայմաններում չի կասեցվել Հայաստանում հարկերը պարտաճանաչ վճարող տնտեսվարողների խրախուսումը: «Օրինապահ հարկ վճարող» կարգավիճակը հաստատող հավաստագրերը հարկ վճարողներին շնորհվում են հեռահար եղանակով:
Պետական եկամուտների կոմիտեն 8 տնտեսվարողի հավաստագիր է ուղարկել փոստային կապով` պահպանելով անվտանգության կանոնները: 2020թ. տարեսկզբից հավաստագրի ստացման դիմում է ներկայացրել 32 տնտեսվարող: 21 հարկ վճարողի դիմում բավարարվել է (այդ թվում՝ 2019 տարեվերջին ստացված 2 դիմում), 9 դիմում մերժվել, ևս 4 դիմում ուսումնասիրության փուլում է:
Հիշեցնենք, որ օրինապահ հարկ վճարողի հավաստագիր ստացած տնտեսվարող սուբյեկտների ցանկերը հրապարակված են հարկային մարմնի պաշտոնական կայքում՝ «Հարկային տեղեկատվություն» բաժնի «Հարկ վճարողների վերաբերյալ տեղեկատվական ցանկեր» ենթաբաժնում: Օրինապահ հարկ վճարողների ցանկ 1. «ՕՊՏԻՄ ԱՐՄԵՆԻԱ» ՍՊԸ 2. «ԳԱԲԻ ԳՐՈՒՊ» ՍՊԸ 3. «ԹԱԳ ՀԷՄ» ՍՊԸ 4. «ՌԷԿԱ» ՍՊԸ 5. «ԱՐՓԻՍՈԼԱՐ» ՍՊԸ 6. «ՍՈՎԹ ՊԱՊԻՐՈՒՍ» ՍՊԸ 7. «ՖՅՈՒՉՐ ՍԹԱՅԼ» ՍՊԸ 8. «ՄԼ ՄԱՅՆԻՆԳ» ՍՊԸ
Այս մասին հայնտնում է ՀՀ ՊԵԿ տեղեկատվության և հասարակայնության հետ կապերի բաժինը:
