Քաղաքականություն
10:29 06/06/2020

Դեռ շատ կհանդիպենք պետականությունից խոսող պետական դավաճաններ․ Հակոբ Արշակյան

ՀՀ ԲՏԱ նախարար Հակոբ Արշակյանը Facebook-ի իր էջում գրել է․

«Սիրելի՜ հայրենակիցներ, պետությունը հեշտ չի կառուցվում. մեկ օրում չի կառուցվելու նաև մեր բոլորի սիրելի Հայրենիքը։

Այդ դժվար ճանապարհին մեզ հանդիպում են և դեռ շատ կհանդիպեն պետականությունից խոսող պետական դավաճաններ, կյանքի իրավունքից խոսող դահիճներ, անփորձությունից խոսող տգետներ, ճշմարտությունից խոսող ստախոսներ, արդարությունից խոսող ավազակներ, հայրենասիրությունից խոսող Հայրենիք վաճառողներ…

Մի քիչ նեղվելով, մի քիչ ժպտալով, մի քիչ բարկանալով, բայց վստահ և աներեր գնում ենք առաջ։
Մի բան պարզ է ու հստակ, Հայաստանում այլևս տեղ չկա ու չի՛ լինելու ընտրակեղծարարների, թալանչիների ու քրեական թափթփուկների համար։

Որքան էլ որ բոցաշունչ ելույթներ ունենան, փողով հոդվածներ տպեն, օտար երկրներին դիմեն օգնության, միևնույն է. Հայաստանի քաղաքացին կատարել է իր ընտրությունը և այդ ընտրությունը իկատար է ածվում քայլ առ քայլ։

Մեր ընթացքն անկասելի է։ Ուժ, եռանդ ու համբերություն բոլորիս։

Հ.Գ. Մեր գլխավոր անելիքն այս պահին. Խնդրում եմ պահել անվտանգության կանոնները։
Առողջ եղեք»։

Սիրելի՜ հայրենակիցներ, պետությունը հեշտ չի կառուցվում. մեկ օրում չի կառուցվելու նաև մեր բոլորի սիրելի Հայրենիքը։Այդ…

Geplaatst door Hakob Arshakyan op Vrijdag 5 juni 2020

ՎԵՐՋԻՆ ԼՈւՐԵՐ

Վերեվ