fbpx
Կառավարություն

Փետրվարից Լարսի անցակետում կունենանք մեր ներկայացուցիչը․ Դավիթ Անանյան

Լարսի անցակետում Հայաստանի ներկայացուցչի թեկնածությունն արդեն ներկայացվել է կառավարություն: Այս մասին այսօր՝ հունվարի 13-ին հրավիրված մամուլի ասուլիսի ժամանակ ասաց ՊԵԿ նախագահ Դավիթ Անանյանը:

Նրա խոսքով՝ հիմա տարբեր գերատեսչությունների կարծիքներն են հավաքում, արդեն ունեն ԱԳՆ-ի տեսակետը։

«Կարծում եմ, որ այս ամիս՝ հունվարին, նշանակում կունենանք և փետրվարից արդեն Լարսի անցակետում կունենանք մեր ներկայացուցիչը»,-հավելեց նա։

Դավիթ Անանյանը նշեց, որ գործնականում ռուս գործընկերների հետ որևէ խնդիր չունեն։

«Ուղղակի ամեն դեպքի համար համագործակցության տարբեր մակարդակներում մենք կարողանում ենք մեր գործընկերների հետ աշխատել և բոլոր խնդիրները կարգավորել: Առանց ներկայացուցչի, դա ավելի շատ ջանք է պահանջում

Գործնականում եղել են մի քանի դեպքեր, որոնց մենք միջամտել ենք և ի պատիվ մեր ռուս գործընկերների, արագ լուծումներ են տրվել դրանց՝ լինի կասկած, որ հերքվել է, լինի ժամկետի խնդիր, կամ փչացող ապրանք: Մենք որևէ խնդիր չունենք Լարսի անցակետում»,-ասաց ՊԵԿ նախագահը:

ԱՄԵՆԱԴԻՏՎԱԾՆԵՐԸ

ՎԵՐ