ՀՀ դատախազությունը տեղեկացնում է, որ 2025 թվականի հունվարի 1-ից նոյեմբերի 1-ն ընկած ժամանակահատվածում, պետական (համայնքային) շահերի պաշտպանության հայց հարուցելու բացառիկ լիազորության շրջանակում, պետությանը կամ համայնքին է վերադարձվել 15 միլիոն 545 հազար ԱՄՆ դոլարին համարժեք 5 միլիարդ 947 միլիոն դրամ արժեքի գույք և դրամական միջոց:
Դատախազական ակտերի հիման վրա՝ համայնքներին են վերադարձվել՝
- 3 մանկապարտեզ,
- 1 մարզադաշտ,
- բնության 1 հուշարձան,
- 2 պուրակ,
- 209 միլիոն 159 հազար դրամ շուկայականին մոտարկված կադաստրային արժեքով 6.5 հա մակերեսով հողամաս։
Այն փաստը, որ ՀՀ դատախազությունը պետությանը կամ համայնքին է վերադարձնում նախորդած շրջանում հանցավոր կամ անօրինական ճանապարհով տարբեր անձանց կողմից ձեռք բերված գույքը եւ դրամական միջոցները, իհարկե, ողջունելի է։ Սակայն հայ հանրությունը պետք է զգոն լինի, քանի որ ներկա իշխանությունը իրավապահ մարմինների այդ և նմանօրինակ տեղեկատվությունը ծառայեցնում է մարդկանց «ուղեղները լվանալու» և իր ցածր վարկանիշը բարձրացնելու նպատակով։