The Hill-ի փոխանցմամբ՝ ԱՄՆ պետքարտուղար Մայք Պոմպեոն ագրեսիվ վերաբերմունք է դրսևորում Չինաստանի հանդեպ՝ առաջ տանելով այն փաստարկը, որ Պեկինը պատասխանատու է կորոնավիրուսի տարածման համար։ Պոմպեոն զայրացրել է չինացի պաշտոնյաներին և պետական ԶԼՄ-ներին, որոնք նրան անվանել են «ստախոս» և «մարդկության թշնամի»։ Եվ չնայած դրան՝ Պոմպեոն շարունակում է դատապարտել Չինաստանին՝ հայտարարելով, որ կորոնավիրուսն առաջացել է չինական լաբորատորիայում:
«Ի՞նչ գիտենք, թե որտեղից և ինչպես է այն առաջացել: Սակայն մենք որոշ ապացույցներ ունենք, որ այն առաջացել է լաբորատորիայում: Դա կարող է նաև այդպես չլինել»,-ասել է Պոմպեոն:
ԱՄՆ-ի որոշ դաշնակիցներ, ինչպես օրինակ՝ Ավստրալիա և Եվրամիություն, կրկնել են գլոբալ հետաքննություն անցկացնելու Պոմպեոյի կոչերը: Ավստրալիական հատուկ ծառայությունները, որոնք Five Eyes հետախուզական ծառայությունների միջազգային դաշինքի մասն են կազմում, հերքել են հայտարարություններն այն մասին, որ լաբորատորիայից արտահոսքի մասին ապացույցներ կան: ԵՄ-ն մտահոգություն է հայտնել՝ կապված նրա հետ, որ ԱՄՆ-ի և Չինաստանի միջեւ հարաբերություններում լարվածությունը կարող է վնաս հասցնել կորոնավիրուսի գլոբալ արձագանքին:
«Ես գիտեմ, որ Չինաստանի և Միացյալ Նահանգների միջև վիրուսի ծագման հետ կապված հակասություն կա: Մեզ պետք է գիտական, անկախ մոտեցում»,-ասել է ԵՄ արտաքին քաղաքականության գերատեսչության ղեկավար Ջոզեպ Բորելը:
Չինացի պաշտոնյաները պատասխան հարված են հասցրել ԱՄՆ-ին:
«Չինաստանի էներգետիկա» նախագծի տնօրեն Բոնի Գլեյզերը հայտարարել է, որ Պոմպեոն ԱՄՆ «ամենաշիտակ» պետքարտուղարն է, և չինացիները գիտեն, որ նրա հռետորաբանության մեջ իշխող Կոմունիստական կուսակցությանն ուղղված սպառնալիք կա:
ՉԺՀ ԱԳՆ ներկայացուցիչ Խուա Չունինն արձագանքել է Պոմպեոյի հայտարարությանը՝ նրան անվանելով «ստախոս» և «կեղծ ապացույցներ» ներկայացնող:
Փորձագետները պնդում են, որ երկու երկրներն ավելի շատ մրցակցում են, քան համագործակցում:
«Սա երկու գերտերությունների մրցակցության մի մասն է»,-ասել է Գլեյզերը:
Ժողովրդավարության պաշտպանության վաշինգտոնյան հիմնադրամի ավագ գիտաշխատող Թոմաս Ջոսելինը նշել է, որ Պեկինի վերաբերյալ Պոմպեոյի հայտարարությունները քննադատող հայտարարությունները անհիմն եեն:
«Կան բազմաթիվ բաներ, որոնց համար կարող եք նրանց պատասխանատվության ենթարկել՝ չնշելով այդ լաբորատորիայի մասին»,-ասել է նա:
Նրա խոսքով՝ լաբորատորիայից վիրուսի արտահոսքի մասին տարբերակը կարող է «ծեծված» դառնալ ապացույցների բացակայության պատճառով:
«COVID-19-ի ծագման մասին վարչակազմի տարբերակը հիմնված է քաղաքական նկատառումների վրա: Նրաք շտապում են մեղադրել Չինաստանին առանց որեւէ ապացույցի»,-գրել է սենատոր Քրիս Մըրֆին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
