ՊՍԺ-ն դեռևս չի կնքել պայմանագիր Զիեխի հետ՝ Չելսիի բարձր պահանջների պատճառով

«Չելսին» և ՊՍԺ-ն շարունակում են քննարկել Հակիմ Զիեխի տրանսֆերը։

Ավելի վաղ հայտնի էր դարձել, որ ակումբները բանակցություններ են վարում մարոկկացու վարձավճարով տեղափոխության շուրջ՝ գնելու տարբերակով։ Ինչպես հայտնում է L’Equipe-ը, գործարքը դեռ չի ավարտվել Չելսիի ֆինանսական մեծ պահանջների պատճառով:

Ինքը՝ խաղացողը, արդեն բուժզննում է անցել փարիզյան ակումբի համար և դիմել է լոնդոնցիների ղեկավարությանը՝ իրեն բաց թողնելու խնդրանքով։

Այս մրցաշրջանում 29-ամյա կիսապաշտպանը «Չելսիի» կազմում անցկացրած 15 խաղում դարձել է 1 գոլային փոխանցման հեղինակ: