ՌԴ նախագահ Վլադիմիր Պուտինը հայտնել է, որ Ռուսաստանը միայն միջնորդի դեր է խաղացել Լեռնային Ղարաբաղի հարցով համաձայնագիրը կնքելու գործում և ստանձնել է կողմերի խաղաղ տարանջատման պարտավորությունները:
«Ռուսաստանն ունեցել է միայն միջորդի դեր և այդ փաստաթղթի շրջանակում ստանձնել կողմերի խաղաղ տարանջատումն իրականացնելու պատրավորություններ: Այն, ինչ մենք այժմ անում ենք»,-հայտարարել է Պուտինը «Ռոսսիա 1» հեռուստաալիքի եթերում:
Պուտինը նշել է, որ համաձայնագրի ստեղծմանը մասնակցել են 3 կողմերը` ՌԴ-ն, Հայաստանն ու Ադրբեջանը:
Այս մասին տեղեկանում ենք ՌԻԱ Նովոստիից:
«Ինչ վերաբերում է տեքստին, ապա մենք դա արել ենք երեքով՝ ես, բնականաբար, նախագահ Ալիևն ու վարչապետ Փաշինյանը: Այլ կերպ հնարավոր չէր, քանի որ, ըստ էության, դա երկու կողմերի միջև պայմանավորվածություն էր»,-ասել է Պուտինը:
