Կրեմլի մամուլի ծառայությունը հայտնում է, որ ՌԴ ԱՄՆ նախագահներ Վլադիմիր Պուտինն ու Դոնալդ Թրամփը հեռախոսազրույցում քննարկել են կորոնավիրուսի դեմ պայքարի միջոցառումները։ Պուտինը շնորհակալություն է հայտնել Ռուսաստան թոքերի արհեստական օդափոխման ամերիկյան սարքեր առաքելու համար։
ՌԴ նախագահը շնորհավորել է Դնալ Թրամփին Crew Dragon տիեզերանավի հաջող արձակման կապակցությամբ։
Երկու երկրների ղեկավարները նաև քննարկել են ՕՊԵԿ+-ի համաձայնագրի իրականացման համատեքստում համաշխարհային նավթային շուկայում իրավիճակը։ Ընդգծվել է ռազմավարական կայունության և ռազմական ոլորտում վստահության միջոցառումների ռուս-ամերիկյան երկխոսության ակտիվացման կարեւորությունը։
Թրամփը տեղեկացրել է G7-ի գագաթաժողովը Ռուսաստանի, Ավստրալիայի, Հնդկաստանի և Կորեայի Հանրապետության առաջնորդների հնարավոր մասնակցությամբ անցկացնելու իր գաղափարի մասին։
Տարբեր մակարդակներում համագործակցությունը շարունակելու պայմանավորվածություն է ձեռք բերվել։
Կրեմլի ծառայության փոխանցմամբ՝ զրույցը կառուցողական, գործնական և բովանդակալից բնույթ է կրել։