Աշխարհ

Պուտինն ու Էրդողանը քննարկել են Սիրիայի իրավիճակը

Ռուսաստանի նախագահ Վլադիմիր Պուտինը Թուրքիայի իր պաշտոնակից Թայիփ Էրդողանի հետ հեռախոսազրույց է ունեցել։ Նրանք քննարկել են սիրիական ճգնաժամի կարգավորումը Իդլիբի ապաէսկալացման գոտում իրադրության սրվելու համատեքստում: Այս մասին տեղեկացնում է Կրեմլի մամուլի ծառայությունը:

Աղբյուրի փոխանցմամբ՝ խոսակցությունը կայացել է թուրքական կողմի նախաձեռնությամբ:

«Շարունակվել է սիրիական ճգնաժամի կարգավորման տարբեր ասպեկտների քննարկումը, նախևառաջ ապաէսկալացման Իդլիբի գոտում իրադրության սրվելու համատեքստում: Նշվել է առկա ռուս-թուրքական պայմանավորվածությունների ամբողջական իրագործման կարևորությունը, ներառյալ Սոչիի 2018 թվականի սեպտեմբերի 17-ի հուշագիրը»,-նշված է հաղորդագրության մեջ:

Ասվում է, որ այդ նպատակով պայմանավորվածություն է ձեռք բերվել համապատասխան գերատեսչությունների գծով լրացուցիչ շփումների անցկացման շուրջ:

Ավելի վաղ Էրդողանը հայտարարել է, որ կոչ է արել Պուտինին՝ ճնշում գործադրել Սիրիայի նախագահ Բաշար Ասադի վրա, որպեսզի սիրիական բանակը դադարեցնի հարձակումը Իդլիբի նահանգում և մինչև փետրվարի վերջը հետ քաշվի թուրքական հսկիչ կետերից՝ հակառակ դեպքում սպառնալով ռազմական հարվածով:

ԱՄԵՆԱԴԻՏՎԱԾՆԵՐԸ

ՎԵՐ