Ռուսաստանի նախագահ Վլադիմիր Պուտինը կարծում է, որ հնարավոր է արտերկրից կամավորներ ներգրավել անհատույց հիմունքներով՝ Դոնբասին ռազմական օգնություն ցուցաբերելու համար։
«Ինչ վերաբերում է վարձկանների ամբողջ աշխարհից հավաքելուն և Ուկրաինա ուղարկելուն, մենք տեսնում ենք,որ Ուկրաինայի արևմտյան հովանավորներն այդ փաստը չեն թաքցնում, չի թաքցնում նաև ուկրաինական ռեժիմը, նրանք դա անում են բացահայտ՝ արհամարհելով միջազգային բոլոր նորմերը, օրենքները»,- հայտարարել է պետության ղեկավարը Ռուսաստանի Դաշնության Անվտանգության խորհրդի մշտական անդամների հետ հանդիպմանը։
Շոյգուն նշել է, որ մեծ թվով դիմումներ կան այլ երկրների տարբեր կամավորներից՝ հայտնելով, որ ամենամեծ թվով հայտերը եկել են Մերձավոր Արևելքի երկրներից՝ ավելի քան 16 հազար։
