ՌԴ նախագահ Վլադիմիր Պուտինը ստորագրել է խաղաղ նպատակներով տիեզերքի ուսումնասիրության և օգտագործման ոլորտում Անկախ պետությունների համագործակցության անդամ երկրների համատեղ գործունեության վավերացման մասին օրենքը: Այս մասին հաղորդում է РИА Новости-ն։
Փաստաթուղթը մշակվել է այդ ոլորտում բազմակողմանի համագործակցության կազմակերպչական հիմքի հաստատման, ինչպես նաև կողմերի և մասնակիցների միջև համատեղ գործունեության համաձայնագրերի մշակման նպատակով:
«Վավերացնել է խաղաղ նպատակներով տիեզերքի ուսումնասիրության և օգտագործման ոլորտում ԱՊՀ անդամ երկրների համատեղ գործունեության իրականացման մասին համաձայնագիրը»,-նշվում է փաստաթղթում:
Համաձայնագրի վավերացումը թույլ կտա միավորել ԱՊՀ շահագրգռված երկրների մտավոր, գիտական և արտադրական ռեսուրսները հիմնարար և կիրառական տիեզերական հետազոտությունների անցկացման ոլորտում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
