fbpx
Կառավարություն

ՊՎԾ-ն կգնահատի պետական մարմիններում ծառայողական ավտոմեքենաների իրական պահանջարկը. Աղաջանյան

ՀՀ վարչապետի աշխատակազմի ղեկավար էդուարդ Աղաջանյանը ֆեյսբուքյան իր էջում անդրադաձել է Իմ քայլը խմբակցության պատգամավոր Էդգար Առաքելյանի գրառմանը, որտեղ պատգամավորը նշել էր, որ չի հասկանում 6 տեսչական մարմինների ղեկավարներին ծառայողական ավտոմեքենաներ տրամադրելու մասին կառավարության որոշումը:

««Իմ Քայլը» ԱԺ խմբակցության պատգամավոր, իմ գործընկեր՝ Էդգար Առաքելյանը հրապարակավ դժգոհություն հայտնեց այսօրվա կառավարության նիստի օրակարգում ներառված #2 հարցի վերաբերյալ, պնդելով թե սույն որոշմամբ կառավարությունը ավելացնում է պետական մարմիններում ծառայողական ավտոմեքենաների թիվը 73-ով։ Իրականում նման բան չկա և վերը նշված որոշմամբ կառավարությունն ընդամենը կատարում է մեկ այլ կառավարության որոշման պահանջ, ըստ որի կառավարությունը սահմանում է պետական մարմինների ավտոմեքենաների առավելագույն թիվը։ Հաշվի առնելով, որ տեսչական մարմինները մինչ այս պահը ձևավորման փուլում են, փաստացի իրենց կողմից օգտագործվող ավտոմեքենաների թիվը (որը ևս կրճատվել է անսարք մեքենաների դուրս գրման արդյունքում) կառավարության որոշմամբ դեռևս հաստատված չէր։ Եվ ահա, այս որոշմամբ մենք կատարում ենք կառավարության համապատասխան որոշման պահանջը և դրանով երաշխավորում ենք տեսչական մարմիններում ավտոմեքենաների ավելացման բացառումը։

Միաժամանակ ուզում եմ տեղեկացնել, որ ՊՎԾ-ն մոտ օրերս կստանա համապատասխան հանձնարարական, ըստ որի կգնահատվի պետական մարմիններում ծառայողական ավտոմեքենաների ԻՐԱԿԱՆ և նպատակային պահանջարկը, ինչպես նաև կստուգվեն Վարչապետի հանձնարարականի կատարման արդյունքները, ըստ որի պետական մարմիններում իրեն կցված ծառայողական ավտոմեքենա պետք է ունենա միայն տվյալ մարմնի ղեկավարը», – գրել է Էդուարդ Աղաջանյանը։

https://www.facebook.com/edward.aghajanyan/posts/10218476838008621

ԱՄԵՆԱԴԻՏՎԱԾՆԵՐԸ

ՎԵՐ