Երկօրյա աշխատանքային այցով Վրաստանում գտնվող ՀՀ էկոնոմիկայի նախարարի պաշտոնակատար Վահան Քերոբյանը երեկ՝ հուլիսի 29-ին, հանդիպել է Վրաստանի ֆինանսների նախարար Լաշա Խուցիշվիլիի հետ։
Այս մասին Facebook-ի իր էջում հայտնել է Քերոբյանը։
Քերոբյանն ու Խուցիշվիլին խոսել են Հայաստանի ու Վրաստանի միջև տարբեր ոլորտներում համագործակցության հնարավորությունների և տնտեսական կապերի ամրապնդման մասին, ինչպես նաև անդրադարձել են հարկային ու մաքսային ոլորտներում համագործակցության կարևորության հարցերին։
Կողմերը քննարկել են նաև Վրաստանի տարածքով տարանցիկ փոխադրումների հետ կապված խնդիրները։
