Մայիսի 24-ին Ճապոնիայում ՀՀ դեսպան Արեգ Հովհաննիսյանը հանդիպում է ունեցել Japan Airlines ավիաընկերության միջազգային ուղիների ռազմավարության խմբի փոխտնօրեն Տացուրո Ասամիի և միջազգային ուղիների մարքեթինգի բաժնի մենեջեր Արան Սատոյի հետ:
Հանդիպման հիմնական թեման համավարակից հետո Ճապոնիայից դեպի ՀՀ ուղիղ թռիչքների իրականացման հեռանկարներն էին, ինչի կապակցությամբ ՀՀ դեսպանը զրուցակիցներին ներկայացրել է վերոնշյալ ուղղության գրավչությունը, այդ թվում նաև՝ Հայաստանի միջոցով դեպի Եվրոպա և այլ շրջաններ տարանցիկ թռիչքներ իրականացնելու հնարավորությունների համատեքստում:
