Հայաստանի ազգային հավաքականի ու «Ռոմայի» առաջատար խաղացողներից Հենրիխ Մխիթարյանի գործակալ Մինո Ռայոլան առաջիկայում կհանդիպի հռոմեական ակումբի ղեկավարության հետ։
Այս մասին հայտնում է Messagero-ն։
Նշվում է, որ հանդիպման նպատակն է՝ քննարկել Մխիթարյանի ապագան ակումբում, ինչպես նաև նոր պայմանագրի պայմանները։
Ավելի վաղ տեղեկություն էր տարածվել, որ «Ռոման» պատրաստվում է նոր պայմանագիր առաջարկել հայազգի ֆուտբոլիստին։
Հիշեցնենք, որ Մխիթարյանի ներկայիս պայմանագիրը իտալական ակումբի հետ նախատեսված է մինչև այս տարվա ամառ։ Նոր պայմանագիրը կարող է լինել մեկ տարով։