Հասարակություն

Viasat ամերիկյան ռազմական ընկերությունը դադարեցնում է մատակարարումները Թուրքիային․ Ստյոպա Սաֆարյան

Ստյոպա Սաֆարյանը Facebook-ի էջում գրառում է կատարել։

«”Viasat ” ամերիկյան ռազմական ընկերությունը դադարեցնում է մատակարարումները Թուրքիային։

Մեր ամերիկահայերը բողոքի ակցիաներ են անցկացրել “Viasat” ընկերության մոտ և պահանջել են դադարեցնել սաթելիթային կապ և սարքավորում ապահովել թուրքական ”Բայրաքթար” դրոնների համար։ Ընկերությունն ասում է, որ պահանջելու է Վաշինգտոնից բացատրել, թե ինչպես է օգտագործում Թուրքիան իրենց տրամադրած տեխնոլոգիաները։ ”Մենք ցավակցում ենք հայերի ընտանիքներին։ Մենք դատապարտում ենք այդ զենքերի օգնությամբ անմեղ մարդկանց սպանությունըլ, մենք տեղյակ ենք, որ Կանադան արգելել է դրոնների աչքերի արտահանումը Թուրքիա և մենք նույնպես չեղարկել ենք Թուրքիայի հետ պայմանագիրը ու այլևս չենք տրամադրելու մեր տեխնոլոգիան Թուրքերին”, ասել է Վիասաթ ընկերության ներկայացուցիչը։ Նրանք այլևս չեն ստանա մեր արտադրանքը, ես շատ շնորհակալ եմ այս խաղաղ ցույցերի համար, հուսով եմ, որ այս տեռորիզիմը կանգ առնի, ասաց ներկայացուցիչը ամերիկահայ ակտիվիստ Քրիստինե Հալաջյանին։ Քրիստինեն շատ ակտիվ է աշխատում։

Սա իսկապես մեծ նվաճում է, կալիֆորնիայի հայերի ջանքերի շնորհիվ այս ռազմական տեխնոլոգիան այլևս չի տրվի թուրքիային։ Ամերիկյան “Viasat” ընկերությունը դադարեցնում է բոլոր մատակարարումները Թուրքիային։ Այս տեխնոլոգիան դրոնի ուղեղի աշխատանքն է ապահովում և շատ կարևոր բաղադրիչ է։ Կից կայքէջում կարող եք տեսնել, թե ինչ է արտադրում այդ ընկերությունը և ինչ կարողություններ ունի։ Այսպիսով, Կանադայի արգելքից հետո Միացյալ Նահանգների ընկերությունն է դադարեցնում դրոնների տեխնոլոգիայի և սարքավորումների մատակարարումը Թուրքիային։

Տեքստի հեղինակ Հրայր Թամրազյան»,- ասված է գրառման մեջ։

ՎԵՐՋԻՆ ԼՈւՐԵՐ

ՎԵՐԵՎ