ՌԴ նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսային բանակցություններ են վարել, հաղորդում է РИА Новости-ն:
Պետությունների ղեկավարները քննարկել են Սիրիայում իրավիճակի կարգավորման հարցերը: Նշվում է, որ խոսակցության նախաձեռնողը եղել է թուրքական կողմը:
Նաև բանակցությունների շրջանակներում նախագահներն անդրադարձել են ՄԱԿ-ի հետ համատեղ Ռուսաստանի, Թուրքիայի և Իրանի կողմից սահմանադրական հանձնաժողովի ձևավորման և գործարկման վերաբերյալ իրականացվող աշխատանքներին:
Պուտինը և Էրդողանը խոսել են նաև երկկողմ համագործակցության հետագա զարգացման մասին: