Ռուսաստանի հետ մենք շատ բարդ իրավիճակում ենք: Այս մասին, ինչպես փոխանցում է TACC-ը, հայտարարել է Ուկրաինայի նախագահ Վլադիմիր Զելենսկին Էստոնիայի նախագահ Կերստի Կալյուլայդի հետ Տալլինում կայացած համատեղ ասուլիսի ժամանակ:
«Անկեղծ ասած՝ ՌԴ-ի հետ երկխոսությունը սկսվելու է չորս ղեկավարների (Գերմանիա, Ռուսաստան, Ուկրաինա. Ֆինլանդիա) «նորմանդական հանդիպմանը»,-ասել է նա։
Զելենսկին անդրադարձել է ՌԴ նախագահ Վլադիմիր Պուտինի հետ նախօրեին կայացած հեռախոսազրույցին:
«Մենք նշեցինք, որ տարին ավարտվում է, ու մեզ անհրաժեշտ է պայմանավորվել գազի նոր երկարաժամկետ համաձայնագրի ստորագրման շուրջ: Մեզ համար դա գերակայություն է: Դա անհրաժեշտ է նաև ամբողջ Եվրոպայի էներգաանվտանգության համար»,-ասել է նախագահը:
Հիշեցնենք, որ «Նորմանդական քառյակի» գագաթնաժողովը տեղի է ունենալու Փարիզում դեկտեմբերի 9-ին։