ՌԴ վարչապետ Միխայիլ Միշուստինը հաստատել է Ռուսաստանի պատրաստակամությունն ԱՊՀ երկրներին կորոնավիրուսի դեմ պայքարում օգնելու հարցում։
Նա հայտնել է, որ ռուսական թեստերն արդեն իսկ փոխանցվել են ԱՊՀ պետություններին և ՌԴ-ն աշխատելու է ապահովել նաև COVID-19-ի դեմ պատվաստանյութի մատակարարումը։
«Կորոնավիրուսը, ցավոք, դեռ չի նահանջում։ Մեր մասնագիտացված կառույցները համատեղ աշխատանք են տանում հիվանդության տարածումը դադարեցնելու ուղղությամբ։ Եվս մեկ անգամ կցանկանայի հաստատել Ռուսաստանի պատրաստակամությունը ԱՊՀ-ի իր դաշնակիցներին օգնելու և մեր ունեցած ձեռքբերումներով կիսվելու հարցում», – հայտարարել է Միշուստինը։
Այս մասին տեղեկանում ենք «ՌԻԱ Նովոստի»-ից: