ՌԴ-ում հայտնաբերվել են օմիկրոն շտամով վարակման առաջին երկու դեպքերը

Հարավային Աֆրիկայից ՌԴ ժամանած ՊՇՌ թեստի դրական արդյունքով երկու հիվանդի մոտ հաստատվել է COVID-19-ի «Օմիկրոն» շտամը։ Այս մասին հայտնել են Ռոսպոտրեբնադզորի մամուլի ծառայությունից։

Սպառողների իրավունքների պաշտպանության և մարդու բարեկեցության վերահսկման դաշնային ծառայությունը ձեռնարկում է բոլոր անհրաժեշտ միջոցները՝ Ռուսաստանի բնակչությանը կորոնավիրուսային վարակի նոր տարբերակից պաշտպանելու համար, հայտնում է մամուլի ծառայությունը։