Մադրիդի «Ռեալը» մերժել է ՊՍԺ-ի կիսապաշտպան Մարկո Ասենսիոյին ձեռք բերելու առաջարկը։
Ինչպես հայտնում է As-ը, փարիզեցիները շաբաթ օրը փորձել են գնել իսպանացուն։ Նրանք հույս ունեին, որ մադրիդցիները կհամաձայնեն վաճառել խաղացողին, ում պայմանագրի ժամկետը լրանում է ամռանը, սակայն մերժում են ստացել։
Մադրիդի «Ռեալը» ցանկանում է նոր պայմանագիր կնքել Ասենսիոյի հետ, իսկ ինքը՝ Մարկոն, կնախընտրեր մնալ, թեև գոհ էր ՊՍԺ-ի հետաքրքրությունից։ Պայմանագրի երկարաձգման շուրջ բանակցությունները պետք է սկսվեն առաջիկա շաբաթներին։
Ասենսիոն ընթացիկ մրցաշրջանում Լա Լիգայում անցկացրել է 13 հանդիպում և կատարել 3 գոլային փոխանցում։
