fbpx
Սպորտ

Ռեալը պարտվեց ու դուրս մնաց արքայական գավաթի խաղարկությունից (ՏԵՍԱՆՅՈՒԹ)

Իսպանիայի գավաթի խաղարկության քառորդ եզրափակչում միմյանց դեմ մրցեցին Մադրիդի «Ռեալն» ու «Ռեալ Սոսիեդադը»։

«Արքայական» ակումբը չկարողացավ հաղթանակ տանել․ թիմը պաշտպանությունում մի շարք բացեր ուներ, իսկ մրցակիցը օգտվեց դրանցից:

Հաշիվը 22-րդ րոպեին բացեց «արքայական» ակումբի ֆուտբոլիստ Էդեգորը, որը վարձավճարով հանդես է գալիս «Ռեալ Սոսիեդադ»-ում: Երկրորդ խաղակեսի 9-րդ ու 11-րդ րոպեներին Իսակը 2 գնդակ ուղարկեց մրցակցի դարպասն ու հաշիվը դարձրեց խոշոր՝ 3:0:

4 րոպե անց Մարսելոն Բրահիմ Դիասի փոխանցումից հետո կրճատեց հաշվի տարբերությունը՝ այն դարձնելով 1:3, սակայն 10 րոպե անց Մարինոն հաշվի մեջ վերականգնեց 3 գնդակի առավելությունը՝ 4:1: Արդեն 81-րդ րոպեին Ռոդրիգոն կրճատեց հաշվի տարբերությունը, իսկ խաղի ավելացված ժամանակում՝ 93-րդ րոպեին, Նաչոն խփեց «Ռեալ»-ի 3-րդ գնդակը՝ 3:4:

95-րդ րոպեին Գորոսաբելը հեռացվեց խաղադաշտից, բայց Զիդանի թիմը չկարողացավ փրկվել:

«Ռեալը» պարտվեց ու դուրս մնաց արքայական գավաթի խաղարկությունից, իսկ «Ռեալ Սոսիեդադը» կիսաեզրափակչի մրցակցին կիմանա վիճակահանության արդյունքում:

ԱՄԵՆԱԴԻՏՎԱԾՆԵՐԸ

ՎԵՐ