«Ռեալի» գլխավոր մարզիչ Զինեդին Զիդանը «Էյբարի» հետ խաղից առաջ կիսվել է Իսպանիայի առաջնության վերաբերյալ իր մտքերով:
Մադրիդյան ակումբը Լա Լիգայի 27 տուրից հետո 2 միավորով զիջում է առաջատար «Բարսելոնային»:
«Իրավիճակը այնպիսին է, որ մենք երկու միավորով հետ ենք մնում: Մենք առջևում ունենք 11 եզրափակիչ, և ամեն ինչ կփորձենք անել Լա լիգայում հաղթելու համար:
Երբեմն իսպաներեն լավ չեմ արտահայտում մտքերս: Յուրաքանչյուր հանդիպում ինձ համար կարևոր է, սա վերաբերում է նաև ընկերական խաղերին:
Լա Լիգան ինձ դուր է գալիս. Թիմը պետք է ստաբիլ լավ արդյունքներ ցուցաբերի, որպեիսի հաջողության հասնի Լա Լիգայում: Լա Լիգան ամենաբարդ և երկարատև մրցաշարն է:
Իսպանական ֆուտբոլն այնքան էլ հեշտ չէ, մենք կանգնած ենք ամենաուժեղ մրցակիցների դիմաց, և դա ինձ դուր է գալիս: Երբ կրում ես «Ռեալի» շապիկ, յուրաքանչյուր խաղ կարևոր է դառնում»,- ասաց Զիդանը:
Վաղը ՝ հունիսի 14-ին, «Ռեալը» կխաղա «Էյբարի» հետ:
Աղբյուրը՝ «Ռեալի» պաշտոնական կայք։
