fbpx
Սպորտ

Ռոդրիգո Գոես ՝ բրազիլացի «կայծակը». Marca

Բրազիլիայում Մադրիդի Ռեալի ծագող աստղ Ռոդրիգո Գոեսին անվանում են «Կայծակ», քանի որ բրազիլացին ընդամենը 18 տարեկանում կարողացել է լուսավորել «Սանտյագու Բեռնաբեուն»։

Չորեքշաբթի օրը Չեմպիոնների լիգայի շրջանակում կայացած «Գալաթասարայի» դեմ հանդիպման ընթացքում երիտասարդ ֆուտբոլիստը հեթ-տրիկի հեղինակ դարձավ։ Գոլերից մեկը աջ ոտքով խփեց, մյուսը ՝ ձախ, իսկ երրորդը ՝ գլխի հրաշալի հարվածով։

Նա նաև դարձավ «Արքայական» ակումբը թվով երկրորդ ամենաերիտասարդ ֆուտբոլիստը, որը կարողացել է հեթ-տրիկ գրանցել։ Գոեսը միայն զիջում է «Ռեալի» լեգենդ Ռաուլին։

Խաղի վերջում Ռոդրիգոն այն գնդակը, որով գոլ էր հեղինակել, իր հետ տարել էր հանդերձարան։ Այս մասին հաղորդում է Marca-ն։

Որպես «Ռեալի» խաղացող Գոեսը ընդամենը հանդես է եկել 6 խաղերում։ Միայն Ալֆրեդո դի Ստեֆանոյին է հաջողվել ավելի կարճ ժամկետում նման հաջողություն գրանցել։

Զինեդին Զիդանը Ռոդրիգոյին խաղալու հնարավորություն տվեց և երիտասարդ աստղը այն երկու ձեռքերով ամուր բռնեց ու այլևս հետ չնայեց։

Նա իր հաջողության շնորհիվ այժմ գերազանցում է Վինիսիուսին, Լուկաս Վազքեզին, Գարեթ Բեյլին, Լուկա Յովիչին և Խամես Ռոդրիգեսին։ Եթե ամեն բան հաջող ընթանա հաջորդ շաբաթ Գոեսը կկարողանա Բրազիլիայի հավաքականի կազմում երկրորդ անգամ դուրս գալ խաղադաշտ, մի բան, որի մասին այդ երկրի հազարավոր պատանիներ երաազում են։

ԱՄԵՆԱԴԻՏՎԱԾՆԵՐԸ

ՎԵՐ