«Յուվենտուսի» հարձակվող Կրիշտիանու Ռոնալդուն Չեմպիոնների լիգայի 1/8 եզրափակիչ փուլի՝ «Աթլետիկոյի» հետ առաջին խաղում կրած պարտությունից հետո չի ցանկացել պատասխանել լրագրողների հարցերին:
34-ամյա պորտուգալացին հանդիպումից հետո միայն մեկ նախադասություն է ասել.
«Ես 5 անգամ եմ հաղթել Չեմպիոնների լիգայում, «Աթլետիկոն»՝ 0»,- ասել է Կրիշտիանուն:
Հիշեցնենք, որ Կրիշտիանու Ռոնալդուն 1 անգամ դարձել է Չեմպիոնների լիգայի գավաթակիր «Մանչեսթեր Յունայթեդի» կազմում, 4 անգամ էլ՝ Մադրիդի «Ռեալի»:
«Յուվենտուս»-«Աթլետիկո» պատասխան հանդիպումը կայանալու է մարտի 12-ին, Թուրինում:
Հաղորդում է armsport.am-ը։
