Կրիշտիանու Ռոնալդուն ևս երկու հանդիպում ունի «Բարսելոնայի» դեմ։
Եվրոպա լիգայի փլեյ-օֆֆում «Մանչեսթեր Յունայթեդը» կհանդիպի «Բարսելոնային»:
Ռոնալդուի հաշվին, ով նախկինում հանդես է եկել նաև «Ռեալում» և «Յուվենթուսում», կատալոնական ակումբի դեմ անցկացրած 34 խաղում 20 գոլ է խփել։
Թիմերը, որոնց կազմում հանդես է եկել պորտուգալացին, հաղթել են «Բարսայի» դեմ 10 խաղում և պարտվել 15 խաղում։ Նաև նման հանդիպումները 9 անգամ ավարտվել են ոչ-ոքի:
Եվրոպա լիգայի առաջին փլեյ-օֆֆը կկայանա փետրվարի 16-ին: Վերադարձի խաղերը կանցկացվեն մեկ շաբաթ անց։
Եվրոպա լիգայի ընթացիկ խաղարկության 6 խաղում 37-ամյա պորտուգալացին խփել է 2 գոլ և կատարել 2 գոլային փոխանցում։
