Իտալիայի Ա Սերիայի 20-րդ տուրում երեկ միմյանց դեմ մրցեցին «Յուվենտուսը» և «Պարման»։ Թուրինյան ակումբը հաղթանակ տարավ 2-1 հաշվով: Երկու գոլերի հեղինակը պորտուգալացի հարձակվող Կրիշտիանու Ռոնալդուն էր:
Իր գոլերից երկրորդը Ռոնալդուն հեղինակեց Պաուլո Դիբալայի փոխանցումից հետո, որից հետո արգենտինացու հետ գրկախառնվելով՝ նա վազել է անկյունային դրոշի առջև գոլը տոնելու համար: Մի պահ ֆուտբոլիստները գլուխները շրջել են այնպես, որ նրանց միջև նկատվել է մի տեսակ համբույր: